Mes Sunderlandit dhe Serie A

Valmir Berisha është gati të vendos për të ardhmen. Sulmuesi kosovar ka klasifikuar dy ekipe në të cilat mund të vazhdoj karrierën. Ai thotë se është në mes të Premierligës dhe Serie A.

Valmir Berisha, top golashënuesi i Kampionatin Botëror U17, është gati të vendos për të ardhmen. Sulmuesi kosovar u vërrshua nga ofertat pasa paraqitjeve të mira me Suedinë U-17 në Botërorin e mbajtur në Emiratet e Bashkuara Arabe.

Interesim për sulmuesin e ekipit suedez Halmstads kishin shprehur rreth 30 klube, në mesin e tyre edhe Real Madrid , Milan, Inter, Manchester United, Arsenal, Liverpool, Tottenham, Sevilla e të tjera.

Por, kosovari me pasaportë suedeze ka konfirmuar për Express se ka klasifikuar dy ekipe në të cilat mund të vazhdoj karrierën.

“Por momentin janë dy klube në të cilat mund të transferohem. Një është nga Premierliga dhe një është nga Serie A”, ka thënë Berisha për Express.

Ai ka zbuluar se njëra nga ekipet që mund ta vazhdoj karrierën është Sunderlandi. Ndërsa, emrin e ekipit nga Serie A nuk deshi ta bëjë të ditur, por tha se bëhet fjalë për një top ekip.

“Unë nuk e kam vendosur ende, por, kjo është afër të ndodh”, ka theksuar Berisha, i cili ka përjashtuar mundësin që të vazhdoj karrierën te ekipi suedez Halmstads.