Meriton Salihu me skuadrën e tij Futsal Maniacs në Zvicër në finale pret skuadrën Futsal Minerva

Futbollisti nga Gjilani, Meriton Salihu i cili me shumë suksese është duke i mbrojtur ngjyrat e skuadrës nga Cyrihu, Futsal Maniacs, ka arritur në finale të Play-Off, ku do të takohet me skuadrën nga Berni Futsal Minerva.

Salihu i cili njeherit është edhe futbollist i rregullt i Kombëtares së Kosovës, në kampionatin e rregull ka treguar formë të lartë ku nga 22 ndeshje të Superligës së Futsallit në Zvicër ka shënuar 19 gola.

Në këtë finale që do të zhvillohen, skuadra e cila arrinë tri fitore do të merr pjesë në garat Champions League, ku është një interesim i jashtëzakonshëm tek adhuruesit e Futsallit.

Meriton Salihu është shprehur mjaft optimist se skuadra e tij, Futsal Maniacs do të jetë ajo e cila në fund do ti gëzohet titullit të kampionit. “Jemi një skuadër mjaft e kompletueme, dhe gjatë tërë kampionatit kemi treguar formë të lartë me gjithë bashkëlojtarët e mi.

Skuadrën kundërshtare e respektojmë, por në fund shpresoj se ne do të jemi ata që më në fund do të ngrisim trofeun e kampionit pasiqë mendoj se jemi më të mirë se kundërshtari”, ka bërë të ditur aduti kryesor i skuadrës Futsal Maniacs, Meriton Salihu. Kjo ndeshje ka zgjuar kureshtjen e shumë bashkatdhetarëve tanë.

Ndeshja e parë e kësaj finale do të zhvillohet në Bern duke filluar në ora 18:30 ndërsa ndeshja e kthimit zhvillohet në Cyrih me 14 maj duke filluar ora 15:30.