Merita Hyseni vazhdon të mbështetet fuqishëm nga të rinjtë gjilanas

Gjilan – Kandidatja e AKR-së, Merita Hyseni ka mbajtur një takim me të rinjtë e rrugës së Prishtinës ku ka shpalosur programin e AKR-së, dhe ka prezantuar kandidaturën e saj për deputete.

Hyseni ka marr mbështetjen e fuqishme nga të pranishmit, dhe u ka premtuar atyre se do të punoj së bashku me të rinjtë, pasi që rinia qe 15 vite ka qenë e anashkaluar në ketë regjion, raporton rajonipress.

Para simpatizantëve të vet ajo u shpreh se nëse do të fitoj ulësen në Parlamentin e Republikës së Kosovës do t`i mbrojë interesat e rinisë, dhe do të jetë një shtyllë e fuqishme e rinisë së Gjilanit dhe Kosovës shtoi Hyseni.

Hyseni u shpreh duke falënderuar të pranishmit për angazhimin që po e bëjnë për punën dhe mbështetjen që po i japin asaj, “Ndjehem shumë e lumtur që po e ndani kohën me mua, dhe ju ftoj që të votoni AKR dhe programin e saj”./rajonipress/