Mërgimtarët të zhgënjyer sepse kanë frikë të lëvizin në tokat e tyre

Gjilan – Mërgimtarët në Karaqevë janë të zhgënjyer pasiqë ata nuk kanë mundësi që t`i vizitojnë pronat e tyre që ndodhen në vijën kontestuese kufitare në Kaarqevë. Selver Lenjani thotë se edhe çka duhet të ndodhë që Karaqeva të jetë në agjendën e Parlamentit të Kosovës apo të zyrtarëve e qeveritarëve kosovar.

Rasti i Stublinës ku xhandarmëria serbe arrestoj dhe dënoj një banor në pronën e tij dhe në brendi të Kosovës ka shqetësuar mërgimtarët e shumtë në Karaqevë.

Selver Lenjani thotë për rajonipress se tani mërgimtarët po ndien të shqetësuar dhe njëkohësisht edhe të zhgënjyer që ende nuk kanë mundësi të lëvizin lirshëm dhe të vizitojnë pronat e tyre. “Shumë mërgimtar kanë prona në vijën kontestuese kufitare, por ata nuk mund t`i vizitojnë e as punojnë ato. Frika dhe pasiguria është e madhe edhe tek mërgimtarët” tha Lenjani.

Lenjani thotë se ndihet i zhgënjyer që pas kaq shumë ankesave, letrave dhe vizitave nëpër dyert e institucioneve vendore e ndërkombëtare problemi i Karaqevës ende mbetet i pa zgjidhur. “Edhe çka duhet të ndodh në Karaqevë që të jemi në rend të ditës nga ana e Parlamentit të Kosovës. Unë vërtet s`kam koment tutje dhe çka do që ndodhë tash e tutje është pasojë e neglizhencës së këtyre institucioneve. Po të ndërhyhej me kohë të paktën policia kufitare do të patrullonte më shpesh në vijën kontestuese” shprehet Lenjnai./rajonipress/