Mërgimtarët presin nga tetë orë në kufi

Ditët para festës së Fitër Bajramit kanë shtuar edhe numrin e ardhjes së mërgimtarëve në atdhe. Por sikurse çdo vit, edhe më tej ata ballafaqohen me pritje të gjata në pikat kufitare të Serbisë me Kosovën. Pritjet e disa prej tyre të dielën për të hyrë në Kosovë ishin deri në katër orë.

Për më keq, ata thonë se situata më e rëndë është në pikën kufitare afër Suboticës, që ndan Hungarinë me Serbinë. Debatik Ibri nga Prizreni, që të dielën vinte në Kosovë nga Suedia së bashku me anëtarë të familjes së ngushtë. Me automjetin tij, ai tha se ka pritur në pikën kufitare Hungari-serbi, gati 8 orë.

“Në Suboticë pritja është shumë e gjatë sepse doganierët fotokopjojnë letërnjoftimet tona dhe ato letra na i japin ne”, thotë Debatiku për gazetën Tribuna. “Pa ato fotokopje nuk mund të hyjmë në Kosovë”.(Tribuna)