Mërgimtarët po plaçkiten gjatë transitit

Puna më e madhe për Ministrinë e Diasporës që udhëhiqet nga Ibrahim Makolli është pikërisht koha kur pushojnë udhëheqësit e ministrive tjera. Ai në verë qëndron në punë deri në mbrëmje duke u kujdesur t’i takojë shumë mërgimtarë dhe pjesëtarë të mërgatës që vijnë për pushime në Kosovë e të cilët kanë probleme e halle të ndryshme.

E ato, kryesisht kanë të bëjnë me shërbimet që i ofrojnë institucionet e Kosovës për ta.

Në një intervistë për Tribunën, ministri Makolli ka treguar për problemet me të cilat përballen mërgimtarët gjatë kohës që janë në Kosovë, për mobilizimin e institucioneve të Kosovës për t’u dalë në ndihmë “mysafirëve” dhe për vlerësimet modeste që Ministria e Diasporës bën çdo vit për pjesëtarë dhe grupe të dalluara që kanë kontribuar për Kosovën.

Makolli mendon se shteti i Kosovës dhe qytetarët mund t’i falënderojnë mërgatën vetëm përmes ndërtimit të një shteti demokratik dhe funksional.

Ai ka treguar edhe për përgatitjet e projektit për regjistrimin e mërgatës.

Sipas Makollit, pa llogaritur mërgatën e para 50 viteve në Turqi, mbi 1 milion qytetarë të Kosovës llogariten se jetojnë në mërgatë (Tribuna).