Gjilan – Gjilani ka marrë një gjallëri krejt tjetër dy ditët e fundit të festës së 17 shkurtit. Shumë mërgimtar kanë ardhur enkas për të festuar dhe i dhënë gjallëri këtij qyteti tashmë të boshatisur nga të rinjtë.
Festa e 17 shkurtit ka bërë bashkë shumë të rinj nga diaspora të cilët enkas kanë ardhur të festojnë në Kosovë. Kjo ardhje e tyre i ka dhënë pak gjallëri këtij qyteti tashmë të boshatisur nga të rinjtë.
Elmazja e cila punon në Zvicër thotë se ka ardhur vetëm për të festuar.”Kam ardhur enkas dhe kam kaluar shumë mirë. Është e vërtetë se nuk ishte Gjilani i mëparshëm sepse vërejta që ka pak rini vendore dhe kjo po më tmerron” u shpreh ajo.
Samilja studente në Gjermani thotë se ka dy vite që nuk ka qenë në Gjilan.”Kësaj radhe erdha me të vetmin qëllim, që ta përjetojë festën e 17 shkurtit dhe jam kënaqur për dy ditë radhazi, edhe pse Komuna nuk kishte organizime për studentë apo të rinj” tha Samilja.
Artani i cili jeton në Norvegji thotë se ishte për të festuar 17 shkurtin dhe ka pasur edhe të fejohet.”Unë i kisha një udhë e dy punë, por festa më la mbresa të mira sepse ka kohë të gjatë që nuk kam qëlluar këtu. Është mirë që programet rinore me qenë më shumë të pranishme në festa të tilla” tha ai./rajonipress/
