Mërgim Berisha ka qenë vendimtar në fitoren e Augsburgut, në kuadër të xhiros së 17-të të Bundesligës duke shënuar gol ndaj Borussia Moenchengladbach.
Berisha shënoi në fundin e ndeshjes, duke i dhënë tri pikë të mëdha skuadrës së tij.
Për të ishte goli i katërt në 11-të ndeshje të Bundesligës në këtë edicion, ndërsa ka kontribuuar edhe me katër asistime.
Zhvillohej minuta e 82-të, kur Berisha shënon gol të bukur me thembër për 1-0.
Berisha luajti deri në minutën e 92-të, kurse Elvis Rexhbeçaj luajti deri në minutën e 81-të.
Augsburg aktualisht ka 18 pikë në vendin e 14-të, kurse Gladbachu mbetet me 22 pikë në vendin e nëntë. /Telegrafi/
