Mensur Livoreka: Golin i`a dedikoj tifozëve “Tigrave” dhe kryesisë së klubit

Gjilan – Fitorja e Vllaznisë së Pozheranit ndaj Besës së Pejës në javën e 21 të zhvilluar në Ferizaj ka ngjallur shpresat e Pozhoronasve për të mbijetuar në Superligë.

Futbollisti më i mirë tek “kuqë e gjelbërtit” e Vllaznisë Mensur Livoreka katër minuta pa përfunduar ndeshja ka arrit të shënoj për ti siguruar tri pikë “jetësore” për Vllazninë

Sulmuesi Livoreka për këtë gol të shënuar është mjaft i kënaqur duke shpresuar se më në fund skuadra e tij do të jetë edhe ma e motivuar për rezultate pozitive.
“Jam shumë i kënaqur me golin e shënuar ishte një kontribut i jashtëzakonshëm i gjithë futbollistëve të klubit arritëm t`i arkëtojmë tri pikë të shpresës duke e mposhtur një skuadër me traditë siç është Besa, dhe këtë gol jua dedikoj tifozëve “Tigrave” bashkëlojtareve e udhëheqësis së klubit të cilët po na përkrahin dhe po na
japin kurajo për rezultate pozitive” ka bërë të ditur Livoreka

Këmbëshpejti Livoreka për ndeshjet e ardhshme në Superlig ka bërë të ditur se do t`ja arrijmë qëllimin tonë.
“Ne e dimë se është shumë vështir por do të luftojmë gjer në momentet e fundit shpresoj se do t`ja arrijmë qëllimin tonë të jemi në barazh pasi shumë ndeshje na kanë ikur ju premtojmë se nuk do të dorëzohemi dhe kampionati është ende i gjatë andaj nuk do të dorëzohemi por përkundrazi kjo fitore na ka bërë të rikthejmë besimin
tek bashkëlojtarët e mi”

Ndeshjen e radhës Vllaznia është mysafire e Gjilanit./sylejman ismajli/rajonipress/