Memushaj sulmohet nga tifozët, flet lojtari

Mesfushori i Kombëtares, Ledian Memushaj dhe bashkëlojtarët tjerë trajtoheshin si të tillë nga i gjithë qyteti, për vetë atë që po bënin me skuadrën e tyre në Serinë B.

Fitore të njëpasnjëshme dhe suksese që e mbajtën ekipin me shpresën se sezoni 2015-2016 do të ishte i artë, më shumë sesa i mëparshmi kur kjo skuadër nuk ia doli në fazën “play off” që të siguronte ngjitjen në elitën e futbollit italian.

Mbrëmë, Pescara kishte organizuar një darkë për festat e fund vitit, por tifozët e kësaj skuadre nuk janë pajtuar me një festë. Duke parë ecurinë aspak pozitive që po kalojnë “delfinët” në elitën e futbollit italian, i kanë rezervuar një pritje aspak miqësore stafit të ekipit dhe lojtarëve.

Mes të cilëve, edhe kapitenit, mesfushorit të Kombëtares shqiptare, Ledian Memushaj. Ekskluzivisht për “Panorama Sport”, lideri i këtij ekipi kërkon të mos e zmadhojë situatën dhe të ruajë qetësinë. “Nuk ka ndodhur asgjë, pa merak”, shprehet ai menjëherë sapo hap telefonin.

“Nuk kishte asgjë. Nuk është kaq e madhe. E kanë ekzagjeruar. Ishin disa tifozë përpara se ne të futeshim në atë ambient. Gjithashtu, kishte edhe forca policie. Mes atyre njerëzve që ishin, dy apo tre tentuan të afroheshin te makinat. Kaq”, deklaroi Memushaj. /Express/