Memushaj mbetet në Benevento

Ledian Memushaj mbetet pjesë e Beneventos në Serinë A deri në fundit të sezonit.

Mesfushori i kombëtares shqiptare, Ledian Memushaj ishte shumë pranë largimit nga Benevento dhe kalimit në Serie B te skuadra e Barit.

Fillimisht u tha se Bari ofronte 500 mijë euro për mesfushorin, të cilit i garantonte një kontratë deri në vitin 2022.

Por, në orët e fundit skuadra që drejtohet nga Fabio Grosso, këmbënguli për huazim me të drejtë blerjeje, propozim që nuk u pranua nga Benevento.

Po ashtu të transferonte Memushajn tentoi edhe Salernitana, por nuk pati sukses, pasi kishte shumë pak kohë. /Express/