Memushaj këshillon talentin e Juventusit

Edhe pse pak minuta në fushën e lojës, në ndeshjen që Juventusi fitoi me shifrat 3-0 kundër Peskarës, ai filloi të tregonte pak nga talenti i tij kur me një lëvizje mashtruese në minutat shtesë fitoi goditjen e fundit nga këndi për bardhezinjtë. Në atë moment, djaloshi kishte edhe një shkëmbim miqësor opinioni me kapitenin e Peskarës, Ledian Memushajn.

Moise Kean ka shkruar emrin e tij në librat e historisë të futbollit të shtunën në darkë. Mesfushori i talentuar 16-vjeçar i Juventusit, u bë lojtari i parë i lindur në mijëvjeçarin e ri (që nga viti 2000) që debuton në një nga katër kampionet më të forta të Europës (Angli, Spanjë, Itali, Gjermani).

Edhe pse pak minuta në fushën e lojës, në ndeshjen që Juventusi fitoi me shifrat 3-0 kundër Peskarës, ai filloi të tregonte pak nga talenti i tij kur me një lëvizje mashtruese në minutat shtesë fitoi goditjen e fundit nga këndi për bardhezinjtë. Në atë moment, djaloshi kishte edhe një shkëmbim miqësor opinioni me kapitenin e Peskarës, Ledian Memushajn.

“Mos e ekzagjero, je vetëm 16 vjeç”, mësohet t’i ketë thënë me dashamirësi Memushaj djaloshit 16 vjeçar, duke i kujtuar se ka një karrierë të gjatë përpara. Duket se edhe Kean e mirëpriti këtë këshillë të “veteranit” shqiptar, aq sa në ato momente, pamjet filmike treguan edhe një përqafim miqësor mes dy lojtarëve në zonën e rreptësisë të Peskarës.