Memushaj: Kam oferta nga Bologna dhe shumë skuadra tjera

Mesfushori i Kombëtares shqiptare, Ledian Memushaj ka treguar edhe njëherë se nuk e ka ndërmend të largohet nga skuadra e tij, Pescara.

Kapiteni i skuadrës italiane, kishte marrë oferta të shumta pas Evropianit të shkëlqyer me Shqipërinë.

Lediani kishte marrë oferta edhe nga ekipi i Bolognes por ai edhe njëherë e konfirmoi se nuk do të largohet nga Pescara, transmeton Indeksonline.

“Unë kam dëgjuar rreth interesimit të Bolognes dhe shumë skuadrave tjera, kurrë nuk e kam menduar të largohem. Kjo nuk varet vetëm nga unë, por edhe nga shoqëria dhe trajneri. Tregu është i gjatë, ndoshta trajneri ndërron mendje dhe unë nuk do të jem më këtu, ka thënë Memushaj duke buzëqeshur në intervistën e parë pas rikthimit në skuadër./Indeksonline/