Memorial kushtuar nënshkruesve të Pavarësisë

Në kryesinë e Kuvendit të Shqipërisë është përuruar të martën memoriali për 40 nënshkruesit e pavarësisë së Shqipërisë, të cilët 100 vjet më parë shpallën Shqipërinë e lirë nga sundimi pesëshekullor osman.

Në ceremoninë e rastit, kryeparlamentarja, Jozefina Topalli, theksoi se duhet nderuar të vërtetën për ta mësuar të nesërmen.

“Emrat nuk bëheshin publik, dhe shqiptarët nuk i dinin 40 nënshkruesit e Deklaratës së Pavarësisë, që bën historinë tonë. Së pari duhet ta nderojmë të vërteta, dhe duke e nderuar atë mësojmë për të nesërmen. E, këto të vërteta flasin dhe për atë se duhet të jemi krenar për historinë tonë, pas shpalljes së Pavarësisë. Jemi fatlum që sot jemi të lirë, dhe e vetmja ftesë që si shqiptarë – bashkë me kolegët e tjerë – të bashkohemi me njëri-tjetrin, është që të bashkohemi në Europë”, theksoi Topalli.