Memeti e Shabani flasin për të dëbuarit e Luginës që jetojnë në Kosovë

Gentiana Shabani u shpreh e brengosur në lidhje me pasivizimin e vendbanimeve që po u bëhen qytetarëve të Kosovës Lindore nga Republika e Serbisë, duke kërkuar nga ai angazhim më të madh në këtë drejtim, për gjetjen e zgjidhjes së këtij problemi që po i prek qytetarët tanë.

Koordinatorja e Zyrës për Preshevë, Bujanoc dhe Medvegjë znj. Gentiana Shabani ka pritur në zyrën e saj zv.kryetarin e Komunës së Preshevës z. Xhelal Memetin.

Koordinatorja Shabani e ka informuar në detaje zv.kryetarin Memeti për problemet e qytetarëve të dëbuar nga Kosova Lindore, të cilët jetojnë në Kosovë konkretisht në Komunën e Gjilanit, për aktivitetet e Zyrës për Preshevë, Bujanoc dhe Medvegjë të cilat janë bërë deri më tani duke kërkuar nga ai bashkëpunim në të gjitha sferat si: në kulturë, arsim, ekonomi, sport si dhe të gjitha sferat e jetës ku atakohen qytetarët e Kosovës Lindore.

Gentiana Shabani u shpreh e brengosur në lidhje me pasivizimin e vendbanimeve që po u bëhen qytetarëve të Kosovës Lindore nga Republika e Serbisë, duke kërkuar nga ai angazhim më të madh në këtë drejtim, për gjetjen e zgjidhjes së këtij problemi që po i prek qytetarët tanë.

Zv.kryetari Memeti duke i uruar për punën dhe angazhimin e koordinatores në Zyrën për Preshevë, Bujanoc dhe Medvegjë, njëkohësisht u shpreh i gatshëm për ofrimin e bashkëpunimit të plotë në realizimin e qëllimeve të përbashkëta për jetesë sa më të mirë të qytetarëve të Kosovës Lindore dhe atyre të cilët jetojnë në Republikën e Kosovës.

Në fund të takimit, bashkërisht u dakorduan që bashkëpunimi në mes të Komunës së Gjilanit dhe Komunës së Preshevës të jetë bashkëpunim i vazhdueshëm dhe më konkret në të gjitha sferat e jetës./rajonipress/