Melos Azemi, këngëtar i adhuruar nga publiku dhe student i shkëlqyeshëm

Gjilan – Melos Azemi është këngëtar i ri dhe me perspektivë. Ai së fundit doli me këngën e dytë:”Ni ditë” e cila u pritë mirë nga publiku, derisa Melosi pos këngës është edhe student i dalluar i arkitekturës në UBT.

Kënga e dytë e titulluara“Ni dit”, e këngëtarit të ri e të talentuar Melos Azemi, është pritur mirë nga publiku. Kënga erdhi në realizim pas këngës “Mos m’harro” që është publikuar para një viti.

Melos Azemi tha për rajonipress se këngën e ka realizuar me shumë pasion dhe ajo i dedikohet dashurisë. “Si çdo i ri edhe unë jam inspiruar dhe motivuar nga dashuria dhe jam shumë i lumtur që kënga po përjetohet mirë nga të rinjtë dhe shtresat e tjera” u shpreh Melosi.

Melosi thotë se ka vijuar mësimet në shkollën e muzikës “Prenk Jakova”, për 6 vjet, ndërsa luan shkëlqyeshëm në kitarë dhe piano. Pos muzikës dhe dashurisë së fortë që ka me këngët, Melosi është edhe student i dalluar i arkitekturës në UBT.

Ndryshe Melosi performon live dhe pritet shumë shpejt të jetë i pranishëm edhe në koncerte të ndryshme. Melosi është 18 vjeçar ndërsa zhanri i tij është Pop Rock.

Muzika dhe teksti: Melos Azemi, orkestrimi: Florent Boshnjaku, kitarë: Valon Gashi./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).