Melinda shfaqet në poza mahnitëse, vishet kuq e zi dhe bën shqiponjën për festën e 28 nëntorit

Sot po shënohet festa e 28 nëntorit, dhe emra të njohur të estradës kanë uruar në mënyra të ndryshme.

Për këtë ditë feste për shqiptarët kudo në botë, reperja Melinda Ademi është veshur e tëra kuq e zi dhe ka realizuar një fotosesion mahnitës.

Me një fustan të shkurtër me ngjyrë të kuqe dhe detaje të zeza, Melinda kombinoi dukej me dorëza në njërën anë të kuqe, në tjetër të zezë, ndërsa përfundoi paraqitjen me çizme të gjata mbi gjunjë me ngjyrë po ashtu të zezë.

Krijuesja e hitit “Karma”, u pa me një grim më të theksuar me buzë të kuqe dhe flokët e gjata të valëzuara i la prapa supeve.

Ajo dukej në formë të mrekullueshëm, duke theksuar linjat joshëse për të cilat komentohet vazhdimisht, ashtu siç ndodhi edhe këtë herë, postimi brenda pakë orësh mori mijëra pëlqim dhe komente nga ana e fansave të saj.

Ndryshe, kujtojmë që projekti i fundi i Melindës është “Melodia” të cilën e realizoi edhe me videoklip. /Telegrafi/