Melinda paralajmëron këngën e re “All Night” përmes një fotosesioni

Reperja e njohur shqiptare, Melinda Ademi është drejt finalizimit të projektit më të ri muzikor.

Kështu ka bërë të ditur vet reperja përmes një fotosesioni unik në të cilin u paraqit tejet atraktive dhe e ndau me fansat saj në Instagram ku numëron mbi një milion ndjekës.

Melinda dukej në formë të mirë teksa vuri në pah fizikun në një trupore me ngjyrë të gjelbër me shkëlqim dhe prerje të veçantë rreth belit dhe dekoltesë.

Krijuesja e hitit “Karma” përshtati veshjen me këpucë me taka po ashtu me ngjyrë të gjelbër, ndërsa edhe makijazhi përputhej me dukjen.

“Kënga e re ‘All Night’, së shpejti…a jeni gati?!”, ka shkruar Melinda në mbishkrimin e fotosesionit, duke lënë të kuptohet se imazhit ishin shkëputur na xhirimet e klipit të ri.

Melinda pranoi komente të shumta nga ana e fansave, të cilët presin me padurim një projekt të ri nga reperja.

Kujtojmë që kënga e fundit e Melindës është “Melodia” e lansuar në nëntor të viti të kaluar. /Telegrafi/