Mëkati im i vetëm, jam i biri i Mehmet Maliqit

Filozofi kosovar, i cili do të këshillojë Ramën për çështjet e rajonit, iu përgjigjet akuzave për sondazhet në Tiranë, por edhe atyre që e cilësojnë “dorë të zgjatur të Serbisë”.

Sipas Shkëlzen Maliqit, një histori e veçantë miqësie mes tij dhe Ramës daton prej vitit 1992, edhe sikur qëndronin në anët e kundërta të barrikadës. Kështu e cilëson ai raportin me Edi Ramën, që dy ditë më parë e prezantoi si këshilltar të tij për rajonin. Përfshirja e filozofit kosovar në kabinetin e Ramës ngriti një dallgë të re debati këndej e andej kufirit.

Në një intervistë për Mapo ai pohon, megjithatë, se nuk mund të krenohet me sondazhet e bëra në Shqipëri, nën logon e kompanisë ‘Gani Bobi’”, ndërsa shton se më shumë se nga cilësia e sondazheve, ai është paragjykuar për shkak të prezantimit të tyre në “TV Klan”.

“Nuk mund të mos e përmend sondazhin e fundit që e kemi realizuar në vjeshtë të vitit 2011, i cili e ndihmoi Edi Ramën për ta ndërtuar, së bashku me Ilir Metën, strategjinë e fitores më 23 qershor”, shton ai.

Në rrjetet sociale dhe në komentet që pasuan emërimin e tij, Maliqi etiketohet edhe si “dorë e zgjatur e Serbisë në Kosovë”.

“Prejse jam bërë person publik në vitin 1982, më kanë vlerësuar disa me admirim dhe respekt, e disa si dorën e zgjatur të Serbisë, si sorosidë dhe kualifikime tjera denigruese. Mëkati më i madh që më mvishet është ai se jam i biri i Mehmet Maliqit, komunist i nomenklaturës titiste dhe ministër i rendit i Kosovës në vitet ’80”, ka thënë Maliqi. /Mapo/Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).