Mehmeti: Shumë shpejt presim zgjidhjen e problemit të arsimit në Luginë

Zëvendës kryetari i komunës së Preshevës, Xhelal Mehmeti në një intervistë për JugPress, transmeton presheva.com ka thënë se ai pret që njëri nga problemet që preokupon shqiptarët që jetojnë në Serbi, si ajo e arsimit në gjuhën shqipe dhe pranimi i diplomave nga Kosova së shpejti do të zgjidhet por edhe mos prezenca e shqiptarëve nga Lugina e Preshevës në dialogun e Brukselit ngadalson këtë proces.

“Unë bespj se kjo definitivisht të zgjidhet në një afat sa më të shkurtë, por mendoj se dhe mos prezenca e shqiptarëve dhe serbëve në këtë dialog mund ta ngadalsojnë shumë këtë proces” ka thënë Mehmet, transmeton presheva.com.

“Po të ishin prezent edhe shqiptarët dhe serbët në këto bisedime, atherë do të zgjidhmin edhe më shpejtë këtë problem” konsideron Mehmeti duke shtuar se shqiptarët në kuadër të bisedimeve të Brukselit do të kërkojnë implementimin e më shumë të drejtave.

Në pyetjen e gazetarit se çka duhet të bëhet më shumë për Preshevën dhe cilat janë problemet që në Preshevë njerëzit përballen, Mehmeti ka thënë se ka shumë probleme.

Ai konsideron që politikanët lokal dhe përfaqësuesit e shqiptarëve “duhet të jenë më të kujdesshëm, që mos ti dramatizojnë gjërat por të fillojnë që merren me problemet reale”. /presheva.com/