Mehmeti: Mos e anashkaloni skandalin e vrasjeve të figurave politike

Gjilan – Si është e mundur që vëmendja e opinionit publik nga shërbime të caktuara informative të tentohet të bartet te sëmundja e kryetarit të LDK-së, ndërsa anashkalohet skandali medial që bënë të njohur rrjetin e vrasjeve të figurave politike e që tash po e udhëheqin shtetin e Kosovës thotë Arben Mehmeti i LDK-së.

Sipas Arben Mehmetit nga situata aktuale e sigurisë në vend mund të nënkuptohet se ky vend ka një pasiguri të madhe institucionale dhe shtetërore, andaj përveç që është e domosdoshme gjykata speciale është e domosdoshme edhe krijimi i mekanizmave të ndryshëm special jashtë kompetencave të vendorëve të fushës së sigurisë, e që do të duhej të udhëhiqeshin nga amerikanët si parakusht për krijim të një besimi qytetarë në institucione shtetërore.

Pra udhëheqësit aktual të shtetit nuk munden dhe dëshirojnë të merren me temën e vrasjeve politike sepse deklarata e Shkumbin Mehmetit pikërisht udhëheqësit e shtetit i përfshinë në këtë skandal.

Kësaj deklarate ose duhet të i besohet dhe të veprohet nga institucionet kompetente ose ky person të llogaritet i sëmur psikik dhe të lirohet nga burgu. Janë dy rrugë të ndryshme që shteti duhet të lëvizë domosdoshmërishtë ka shkruar Arben Mehmeti./rajonipress/