Mehmeti kthehet pas gati dy muajve

Sulmuesi kosovar Agon Mehmeti ka luajtur disa minuta te Novara që mposhti Sassuolon me rezultatin 3:2. Mehmeti në fushë u fut në minutën e 76-të.

Ai ka gati dy muaj që nuk kishte luajtur për ekipin e Serie B të Italisë, për shkak të një lëndimi. Mehmeti ndeshjen e fundit e kishte zhvilluar më nëntë shkurt kundër Juve Stabias.

Ndeshja me Sassuolon u zhvillua të shtunën dhe i ka takuar xhiros së 35-të në Serie B të Italisë. Me këtë fitore Novara ngjitet në pozitën e pestë me 51 pikë. Mehmeti në 19 ndeshje të zhvilluara në Serie B ka shënuar gjashtë gola dhe ka asistuar dy herë.

Ndërkohë mbrojtësi i Kombëtares së Shqipërisë Elsid Hysaj ka luajtur gjatë gjithë ndeshjes te Empoli që barazoi kundër Crotones me rezultatin 0:0.(koha)