Mehmeti: Konferencat e LDK-së – pallavra kafiterish

Gjilan – Ndaj akuzave të sektorit të shërbimeve publike të LDK-së ka reaguar Behar Mehmeti drejtor i shërbimeve publike. I ashtuquajturi sektor i DSHP i LDK-së, si duket shumë pak ose fare nuk i sheh apo nuk dëshiron t`i shoh të arriturat e DSHP, sepse është mësuar me demagogji, dezinformim, retorikë dhe pallavra kafiterishë, t’i drejtohet medieve fundjavave me ato konferenca boshe e të pa konceptuara thuhet në reagimin e Mehmetit.

Përgjegjësi i komisionit të Shërbimeve Publike të LDK-së , Vehbi Salihu, hartimin e strategjive të tija, nëse kanë, do të ishte mirë ta hartojnë në bazë të vizionit të tyre, pa u marrë me DSHP me gjithë ato akuza paushallë e të pabaza që në vet përmbajtje tregojnë naivitet dhe dezinformojnë opinionin publik pa asnjë argument të vetëm thuhet në reagimin e Behar Mehmetit.

Me aq joprofesionalizëm dhe me storie karikaturash, Salihu dhe LDK-ja e tij, përpiqen ta mashtrojnë qytetarin gjilanas i cili nuk e ndërron mendjen karshi rezultateve të DSHP, e cila strategjitë i ka hartuar qysh nga viti 2010, si: Strategjia e Mobilitetit, Strategjia e Ndriçimit Publik, Strategjia e investimeve për ujësjellës dhe kanalizim dhe Strategjia e profilit te banimit (në përfundim e sipër).

I ashtuquajturi sektor i DSHP i LDK-së, si duket shumë pak ose fare nuk i sheh apo nuk dëshiron t`i shoh të arriturat e DSHP, sepse është mësuar me demagogji, dezinformim, retorikë dhe pallavra kafiterishë , t’i drejtohet medieve fundjavave me ato konferenca boshe e të pa konceptuara.

Për LDK, më e mira është përgjigjja e qytetarëve, të cilët çdo ditë i shijojnë bukuritë e hapësirave të gjelbërta në qendër të qytetit dhe zona tjera urbane e rurale, bukuritë e shtigjeve të qytetit me lule, pastërtinë e rrugëve, shesheve dhe trotuareve, dizajnet më moderne të ndriçimit publik si në qendër , në lagjen “Dardania”, rruga e Preshevës – eficient, rrethrrotullimet të cilat janë dhe po ndërtohen me standarde Evropiane, semaforët inteligjent, Sinjalizimi horizontal dhe vertikal modern, dy komponentesh, Trafiku urban periferik i cili po funksionon për mrekulli. Së shpejti do ta kenë qytetarët edhe trafikun urban. Nuk kalon muaj pa u promovuar ndonjë ujësjellësi i ri apo kanalizim. Në ndërtim e sipër është rezervuari i ujit me kapacitet prej 3000m³ ujë; administratë efikase të DSHP e cila nuk ka as një lëndë të pa kryer jashtë afatit ligjor, etj.

Këto të arritura vërtetë pe trembkan Salihun e LDK-së, ndërsa qytetari ynë është shumë falënderues dhe mirënjohës.

Na vije keq që LDK dhe zotin Salihu, përpiqen ta dezinformojnë qytetarin me këso far shpifjesh. Megjithatë, ne e ftojmë zotin Salihu dhe komisionin e tij në debate publike publike ku do të ballafaqohen me gjuhen e argumenteve ku do të gjykoj vet qytetari se kush ka të drejtë.

Ne jemi në agjendë të punës së sinqertë dhe efikase, serioze dhe profesionale.

Jemi krenar që përditë po e avancojmë kualitetin e shërbimeve publike për qytetarët gjilanas – ka thënë drejtori i Shërbimeve Publike në Gjilan, Behar Mehmeti./rajonipress/