Mehmeti kërkon rritjen e shumës së bursave për studentët e Gjilanit

Gjilan – Ne si komitet i arsimit do të kërkojmë në seancë të kuvendit që shuma aktuale prej rreth 50.000 euro të rritet me qëllim që të përfshihen sa më shumë studentë dhe nxënës në këtë ndihmesë financiare sado simbolike thotë Arben Mehmeti.

Mehmeti ka thënë se Komiteti i Arsimit të komunës së Gjilanit në mbledhjen e radhës që mbajti më datë 22/04/2016, rekomandoi për kuvend komunal propozimin e DKA për bursa për studentët e komunës së Gjilanit si dhe për nxënësit e shkollës së mesme të bujqësisë.

“Andaj ne si komitet i arsimit do të kërkojmë në seancë të kuvendit që shuma aktuale prej rreth 50.000 euro të rritet me qëllim që të përfshihen sa më shumë studentë dhe nxënës në këtë ndihmesë financiare sado simbolike. Ne do të vazhdojmë të përkrahim punët e mira që kryhen në komunën e Gjilanit” ka shkruar Mehmeti./rajonipress/