Mehaj nënshkruan marrëveshjen e rëndësishme në Turqi rreth fuqizimit të FSK-së

Ministri i Mbrojtjes, Armend Mehaj, ka bërë të ditur se në kuadër të vizitës zyrtare në Turqi, ka vizituar Presidencën e Industrisë së Mbrojtjes.

Sipas tij, në këtë takim është pritur nga presidenti i këtij institucioni Demir, me të cilin nëshkruan marrëveshjen shtet me shtet për furnizim me artikuj dhe produkte për shërbime të mbrojtjes, raporton Zeri.info.

Ai përmes një postimi në rrjetin social Facebook, ka thënë se Mehaj kjo marrëveshje ka rol të jashtëzakonshëm në ngritjen e kapaciteteve të Forcës së Sigurisë së Kosovës.

“Presidencën e Industrisë së Mbrojtjes e njoftova me synimin e Kosovës për Integrimin Euro-Atlantik dhe anëtarësim në NATO. Në këtë proces mbështetja Republikës së Turqisë për Republikën e Kosovës është tejet e rëndësishme”, ka thënë Mehaj.

“Nga ana e tij z.Demir ishte falënderues për bashkëpunimin dhe për konkretizimin e këtij bashkëpunimi me marrëveshje shtet me shtet”. /Zëri