Meha tregon pse u transferua në Turqi

Mesfushori shqiptar, Alban Meha, ka filluar përgatitjet me klubin e tij të ri Konyaspor.Mitrovicasi, Alban Meha, javë më parë kompletoi transferimin e tij tek skuadra turke Konyaspor si lojtar i lirë pasi i skadoi kontrata me skuadrën gjermane Paderborn.

Me fillimin e përgatitjeve me klubin tij të ri, Meha ka shkruar edhe një postim në faqen e tij zyrtare në Facebook, duke treguar edhe arsyejen se pse zgjodhi Konyasporin.

Mesfushori i Kombëtares së Shqipërisë, tha se kishte refuzuar disa skuadra gjermane pasi projekti i Konyasporit i la mbresa.

“Kam pasur shumë oferta nga skuadra prej Bundesligës gjermane, megjithatë, vendosa të nënshkruaj me Konyasporin, pasi projekti i ekipit më ka pëlqyer jashtëzakonisht shumë dhe kjo është arsyeja pse jam këtu”, shkroi Meha. /Telegrafi/