Mega – Iftari i bënë bashkë Surdullin e Sinanin

Kamenicë – Qendra e qytetit në Kamenicës të shtunën ishte mbushur me qytetar nga të gjitha shtresat. Ata po merrnin pjesë në iftarin e shtruar nga bizneset lokale kurse e veçanta e saj ishte se në ballë ndodheshin dy rivalët e kahershëm Shaip Surdulli dhe Begzad Sinani.

Mega Iftari i ka bërë bashkë dy rivalët e kahershëm Begzad Sinanin dhe Shaip Surdullin. Ishin bizneset lokale ata që ndërmorën një iniciativë për të shtruar iftar për të gjitha shtresat në qendër të qytetit të Kamenicës.

E Begzad Sinani që ndihej bukur i relaksuar ka shkruar: “Falënderimi u takon atyre që u përkujdesën që në këtë muaj të shenjtë të Ramazanit, qyteti i Kamenicës të marr një pamje të mrekullueshme. Ky mega – iftar dërgoi një mesazh të fuqishëm që jo vetëm në këtë muaj, por në vazhdimësi të jetë e pranishme te ne ndjenja e fortë e humanitetit, solidaritetit e sakrificës” ka shkruar Sinani./rajonipress/