Mediumi i afërt me Werder Bremenin kritikon Milot Rashicën: Udhëtoi 6 mijë kilometra për asgjë
RajoniPress
14:44, 2 Prill, 2021
Milot Rashica ka kohë që nuk paraqitet mirë me fanellën e Kosovës dhe këtë gjë e kanë vërejtur edhe mediat gjermane të afërta me Werder Bremenit.
Ueb faqja që qëndron afër klubit gjerman ‘Deichstube’ ka shkruat se Miloti nuk kishte sukses me Kosovën në paraqitjet e muajit mars.
Ata nuk harrojnë që t’ia përmendin asistimin ndaj Lituanisë, por edhe zëvendësimet në çdo takim.
Rashica gjatë ndeshjes ndaj Suedisë
“Nga Bremen në Prishtinë, nga Prishtina në Sevilla të Spanjës dhe nga Sevilla në Bremen – Rashica ka bërë rrugë 6 mijë kilometra nëpër Evropë, por s’pati asnjë arritje”.
“Ai bëri një asistim në fitoren e Kosovës ndaj Lituanisë, përndryshe nuk bëri asgjë”.
“Në të gjitha ndeshjet, ai u zëvendësua pas minutës së 70-të”, shkruhet në analizën e gazetës gjermane.
Ndryshe, Kosova u mposht në dy ndeshjet kualifikuese për Kupën e Botës “Katar 2022”, në shtëpi nga Suedia me rezultat 0-3 dhe 3-1 në udhëtim te Spanja.
