Mediat zvicerane kanë një porosi për Shkëlzen Gashin

Shkëlzen Gashi duhet të largohet sa më parë nga Baseli, pasi po përfillet nga trajneri Fischer.E ardhmja e Shkëlzen Gashit te Baseli është kthyer tashmë në një çështje në Zvicër, sidomos pas takimit të Lojtarit më të mirë të vitit të kaluar në Kampionatin Zviceran me tenistin Roger Federer.

Kubilay Turkilmaz, një prej analistëve më në zë sportive në vendin helvet në gazën Blick shkroi se Gashi duhet të largohet menjëherë nga Kampionët e vendit, për dy arsye të thjeshta.

E para sepse ai rrezikon të shkatërrojë imazhin e krijuar si një golashënues i lindur dhe e dyta sepse në këtë mënyrë rrezikon të humbasë Evropianin e Francës, me kombëtaren e Shqipërisë.

Sipas Turkilmaz, shkaku kryesor i kësaj rënie të Gashit është trajneri i ri i Baselit, Fischer, që nuk e sheh më shqiptarin si një zgjedhje të parë.

Qëndrimin e Turkilmazit duket se e përkrahin dhe lexuesit e Blick, aq sa në një sondazh të gazetës, 57.1 për qind mendojnë se analisti sportiv ka të drejtë. /Express