Me “Teket e babait” kundër dhunës ndaj gruas
Gjilan – Nxënësit e Gjimnazit natyror prezantohen me shfaqjen teatrore kundër dhunës në familje. Diellza Sylaj, nxënëse e klasës 10/7 të Gjimnazit Natyror, ka thënë se kanë përgatitur shfaqjen teatrale me temën dhuna në familje, përkatësisht dhuna ndaj gruas.
Sipas Sylaj, kjo shfaqje do të jetë pjesë e kampanjës 16 ditore të aktivizimit kundër dhunës ndaj grave.
Luajnë nxënësit: Eruend Hajrullahu (baba), Fitore Isufi (gjyshja), Drita Sylejmani (nëna – viktima), Alora Hyseni (vajza), Viola Korça (vajza), Diellza Sylaj (narratore), Hafiz Qerimi (djali). Këta nxënës janë të klasave të 10-a dhe njëri prej tyre vjen nga klasa 9.
Premiera e shfaqjes “Teket e babait” do jetë 2 dhjetor, në Teatrin e Qytetit të Gjilanit, në orën 18:00, ndërsa hyrja është falas.
Regjia: Kaltrim Balaj.
Premiera e shfaqjes “Teket e babait” do jetë 2 dhjetor, në Teatrin e Qytetit të Gjilanit, në orën 18:00, ndërsa hyrja është falas.
Shfaqja është projekt i ARTPOLIS – Qendra për zhvillimin e arteve. Ky projekt u financua përmes grantit të Ambasadës Amerikane në Prishtinë. /rajonipress/