RCCOLA

Më së shumti adoptohen fëmijët nga Ballkani

/ 2 minuta lexim

Në Zvicër brenda vitit jepen për adoptim gjithsej 30 foshnja.

Në Zvicër brenda vitit jepen për adoptim gjithsej 30 foshnja. Të porsalindurit janë në shumicën e rasteve fëmijë të të pamartuarave nga shtetet e Ballkanit

Githnjë e më të rralla janë rastet kur çiftet adoptojnë fëmijë në Zvicër. Gjatë 2011-ës janë shënuar vetëm 509 raste të birësimit. Bazuar në statistika është numri më i vogël që nga 1981. Gazeta zvicerane «Der Sonntag» i ka publikuar këto të dhëna nga Zyra Federale për Statistika.

Brenda 15 vjetëve numri i birësimeve është përgjysmuar. Brenda 30 vjetëve shifrat kanë shënuar rënie në dy të tretat, nga 1600 në 509 fëmijë të adoptuar. Siç pohon Instituti i Zvicrës për Adoptime, shkaktar për këtë rënie është progresi në mjekësinë riprodhuese.

Mobi Casa

Shumica e çifteve i nënshtrohen fekondimit artificial. 3000 lindje në vit në Zvicër janë fryt i fekondimit artificial. Me dëshirën për t’u bërë nënë e një fëmije, gratë gjithnjë e më shumë po përdorin edhe metodat që janë të ndaluara në këtë vend. Për këtë arsye ato duhet të kërkojnë zgjidhje jashtë vendit.

Një arsye tjetër për zvogëlimin e numrit të birësimeve është Konventa e Hagës, e cila ka për qëllim mbrojtjen e fëmijëve.

Në Zvicër, sipas gazetës “Sonntag” brenda vitit jepen për adoptim gjithsej 30 foshnja. Të porsalindurit janë në shumicën e rasteve fëmijë të të pamartuarave nga shtetet e Ballkanit. Pasi që fëmijët jashtëmartesorë te ata (ballkanasit) konsiderohen si diçka e turpshme (kori), këta fëmijë herë pas here jepen heshtazi dhe me lehtësi për adoptim.(albinfo)