Me rastin e 19 – vjetorit të rënies së dëshmorit të kombit : Ibrahim Uruqi

Teksti dhe muzika : Demir Krasniqi –

Do t’ kujtojë Bresalci , trimin përmbi trima –
Mbi armikun zbrazi plumba si vetëtima !
Pa mëshirë luftonte armikun gjakatarë –
Që donte t’ sundonte gjithmonë mbi shqiptarë !

Refreni :
Gjaku i këtij trimi Ibrahim Uruqi –
Tokën e Kosovës – për Liri e skuqi !
Përmbi gjak të derdhur , triumfoi Liria –
N’ Kosovë lindi Shteti edhe Pavarësia !

Biri i malësorit kurrë nuk u dorëzua –
Para okupatorit kurrë nuk u gjunjëzua !
Tërë jetën punoi , veproi e luftoi –
Okupatorin Serb, për jetë ta shkatërroi !

Ibrahim Uruqi , biri i shqiptarisë –
Sakrifikoi jetën me zemër të trimërisë !
Nuk lejoji shqiptarët të shfarosen kurrë –
Ra n’ altar t’ Lirisë , për t’ mos vdekur kurrë !

Ibrahim Uruqi i uronte Kosovës –
Që të jenë të lirë , si gjithë popujt e botës !
Ta gëzojnë Lirinë, të jetojnë me nderë –
Që i mungonte popullit me shekuj të tërë !

Për Liri t’ Kosovës , ai kishte një mallë ,
Kishte idealet , një guxim të rrallë !…
Ai , shkruante parulla në çdo cep të tokës –
Deri n’ frymë të fundit për këtë tokë t’ Kosovës !

Ibrahim Uruqi , në luftë nuk u ndal –
Në zemër e kishte t’ fortë një ideal !
Ideal të fortë për popullin shqiptar –
Asgjë s’e pengonte të jetë luftëtarë !

Asnjë lloj pengese , në luftë nuk e ndeshi –
Bukur i zotëronte armët që i ngjeshi !
Me trimëri luftonte , mu porsi luan –
Për Lirinë e popullit edhe për Vatan !

Në luftë i paepur , asnjëherë nuk ngeci –
Sakrifikoi jetën n’ Betejën e Marecit !
I tregoi Evropës , i tregoi mbarë Botës –
Se e derdhi gjakun , për Liri t’ Kosovës !

Gjaku i dëshmorëve , veprat heroike –
Për popull t’ Kosovës , sollën rreze drite !
Me dëshmorët e kombit , me këta luftëtarë –
Të gjithë ne shqiptarët , do t’ jemi krenarë !

Gjithë kah ka shqiptarë , anë e mbanë këtij globit –
I urojnë me zemër , t’ gjithë dëshmorët e kombit !
Ditë e natë jehojnë , urimet e Nënë – lokes :
“Juve , ju qoftë i lehtë dheu i Kosovës !”

Gjilan, më 21.04.2018.
Demir Krasniqi