Me përvojën e tij si luftëtar, udhëheqës dhe nëpunës i palodhur, Fazli Hajdari është gati të japë kontributin e tij edhe në Kuvendin Komunal të Gjilanit
RajoniPress
15:48, 10 Shtator, 2025
| 9 muaj më parë
Gjilan – Fazli Hajdari është njëri nga kandidatët e PDK-së për Kuvendin Komunal të Gjilanit, duke përfaqësuar vlerat e UÇK-së dhe gjeneratës që ka kontribuar për lirinë dhe shtetin e Kosovës. Ai është ish-ushtar i Ushtrisë Çlirimtare të Kosovës (UÇK) dhe njëri nga themeluesit kryesorë të Ushtrisë Çlirimtare për Preshevë, Medvegjë dhe Bujanoc (UÇPMB). Me këtë rrugëtim, ai mbart krenarisht përvojën e sakrificës dhe përkushtimit për lirinë dhe të ardhmen e vendit ka shkruar Riad Rashiti.
Postimi i plotë;
Pas luftës, vazhdoi shërbimin në Trupat Mbrojtëse të Kosovës (TMK), ku ushtroi detyrën e kapitenit, duke dëshmuar disiplinë dhe përgjegjësi në ndërtimin e institucioneve të para të sigurisë.
Që nga viti 2010, Fazli Hajdari është i angazhuar në jetën civile si zyrtar në Postën e Kosovës, ku me përkushtim e korrektësi vazhdon t’u shërbejë qytetarëve.
Me përvojën e tij si luftëtar, udhëheqës dhe nëpunës i palodhur, Fazli Hajdari është gati të japë kontributin e tij edhe në Kuvendin Komunal të Gjilanit, duke qenë një zë i fortë për qytetarët dhe zhvillimin e komunës.
