Me perime të gjelbra kundër diabetit

Diabeti i sheqerit është një sëmundje endokrino-metabolike, që ka të bëjë me mënyrën sesi organizmi ynë e përpunon sheqerin (karbohidratet apo glukozën) që ne marrim me ushqimet e ndryshme.

Perimet konsiderohen si armiqtë më të mirë që frenojnë komplikacionet që diabeti sjell në organizëm, transmeton “Zeri.info”.

Konkretisht dieta ushqimore duhet të ketë në përmbajtje të saj sasi të bollshme ditore të perimeve të gjelbra.

Përdorimi i gjallë i këtyre perimeve në sasi të mjaftueshme, si gjatë drekës apo dhe darkës, çdo ditë, është një mundësi e mirë për ta kontrolluar këtë sëmundje.

Kjo pasi në përmbajtje të tyre gjenden sasi të shumta antioksiduesish, vitaminash dhe kripërash minerale dhe fibra, të cilat luftojnë radikalet e lira, që pengojnë qarkullimin e lëndëve ushqimore nëpërmjet gjakut për në organet e tjera jetësore.

Sa më pak të gatuara të jenë perimet, aq më mirë i bëjnë organizmit, pasi gatimi shpeshherë humbet sasinë e vitaminës C, që perimet kanë në përmbajtje të tyre, së bashku me shumicën e mineraleve që i shoqërojnë, përcjell “Zeri.info”.

Është e këshillueshme pirja e ujit në të cilin më parë janë zier perimet.

Ky ujë ka në përmbajtje të tij sasi të bollshme të mikroelementeve të dobishme, siç janë: zinku, magnezi, kaliumi, të cilat e ndihmojnë organizmin t’i kryejë më me lehtësi funksionet.

Mirëpo, këshillohet që perimet mos të zihen tepër shumë, pasi ato mund të humbin vlerat e tyre ushqyese dhe pastaj nuk e kanë efektin e dëshiruar për shëndetin.

Po ashtu duhet pasur kujdes edhe me kombinimin e tyre, pasi disa prej tyre nuk përkojnë me njëra-tjetrën. /ZËRI/