Me një gol me vole, Nedim Bajrami siguron fitoren e Sassuolos ndaj Cremoneses

Sassuolo ka arkëtuar pikë të plota ndaj Cremoneses në ndeshjen e javës së 25-të në Serie A (3-2).

Në sfidën e zhvilluar në Mapei Stadium, Armand Lauriente (26’) dhe Davide Frattesi (41’) krijuan epërsi të dyfishtë për vendasit.

Mirëpo, në pjesën e dytë, mysafirët i barazuan shifrat me dy golat e Cyriel Dessers (62’ dhe 83’).

Dhe gjithçka mbeti në dorë të mesfushorit shqiptar, Nedim Bajrami, i cili hyri në fushë në minutën e 62-të (në vend të Gregoire Defrel).

24-vjeçari pranoi një top nga Armand Lauriente dhe goditi me vole me të djathtën për fitoren e skuadrës së tij (90’+2).

Aktualisht, Sassuolo mban vendin e 13-të në renditjen tabelare me 30 pikë të arkëtuara dhe ruan distancën me zonën e rrezikut. /Telegrafi/