Më në fund rikthehet Sadiku

Sulmuesi kuqezi u aktivizua në minutën e 77-të, derisa 90 minuta për Zurichun luajti Burim Kukeli.

Sulmuesi i Kombëtares shqiptare, Armando Sadiku, e ka lënë pas tashmë dëmtimin e pësuar në gju. Ai është rikthyer të luajë për ekipin e tij Zyrichun në kategorinë e dytë të Zvicrës, shkruan albinfo.ch.

Sulmuesi kuqezi u aktivizua në minutën e 77-të të takimit të zhvilluar si mysafirë përballë Servetes. Zyrichu e fitoi këtë ndeshje me rezultatin e thellë 0:4.

Në këtë përballje u aktivizua për 90 minuta të plota edhe mesfushori i kombëtares shqiptare Burim Kukeli, i cili gjithashtu luan për Zyrichun.

Pas kësaj fitoreje, Zyrichu numëron 39 pikë në 15 ndeshje, duke kryesuar klasifikimin me 10 pikë avantazh nga vendi i dytë dhe pritet të kthehet në elitën e futbollit zviceran, pasi kishte rënë edicionin e kaluar.

http://www.albinfo.ch/me-ne-fund-rikthehet-sadiku/