Më në fund një lajm i mirë për Ajetin

Arlind Ajeti bëhet gati për të debutuar në Serinë A. 23-vjecari ende nuk është aktivizuar në ndeshjet zyrtare me Torinon, pavarësisht se gjendje e tij fizike gjatë javëve të fundit është përmirësuar ndjeshëm.

Sipas mediave pranë klubit “granata”, trajneri Sinisa Mihajlovic po e vlerëson mundësinë për t’i ofruar një shans mbrojtësit shqiptar në takimin e shtëpisë kundër Chievos, duke ulur në stol një mes Rossetinit dhe Castan.

Arsyeja është e thjeshtë: gjatë muajit dhjetor Torino do të ketë një kalendar të ngjeshur, pasi do të luajë në transfertë me Sampdorian në Marassi, në shtëpi me Juventusin në derbi, në “San Paolo” me Napolin, për ta mbyllur më 22 dhjetor me Genoan, ndaj është shumë i nevojshëm aplikimi i rotacionit.