Me nderime të larta i jepet lamtumira e fundit Ramadan Myrtaj

Gjilan – Në varrezat e qytetit në Gjilan i është dhënë lamtumira e fundit Ramadan Myrtaj, intelektualit, politikanit, krijuesit, njeriut të zhvillimeve të shumë ngjarjeve politike. Për Ramadan Myrtajt kanë shkruar personalitete të shumta. Kujtime për të kanë paraqitur nëpër rrjetet sociale: Jonuz Cani, Qemajl Mustafa, Nexhmedin Ymeri, Musa Sabedini, e shumë figura të tjera të njohura.

Në prani të shumë qytetarëve të shtunën iu dha lamtumira e fundit Ramadan Myrtajt, një figurë e ndritur e Gjilanit, një kuadër i rrallë dhe një profesionist i jashtëzakonshëm.

Pothuajse nga shumë qytete të Kosovës kishte njerëz që deshtën ta nderojnë figurën e Ramadan Myrtajt. Shumë miq, koleg e shok e të afërmë janë ndjer të pikëlluar për ndarjen nga jeta të këtij kolosi mendjendritur.

Jonuz Cana mik e shok i kahershëm ka shkruar:
Familje e nderuar e Danit, shokë, miq dashamir, të gjithë juve që e njohët dhe e çmuat prof. Ramadan Myrten ngushëllime më të ndjeshme me rastin e ikjes së tij në amshim. Sot më 09.08.25 në orët e hershme të mëngjesit u nda nga jeta një burrë i dinjitetshëm, baba me virtyte të larta prindore mik dorlirë dhe shok i pashoq prof. Ramadan Myrtaj.

Ooo Dan të patëm të fjalës me peshë, të pendës së mprehtë, të urtë por i guximshëm, ambicioz por punëtor e frytdhënës e në at kombëtare vërtet tejet fanatik, e me këto virtyte do të kujtojmë për jetë e mot.

Dan Ti shkove në përjetësi fantomime edhe unë pas pakë kohe dhe do takohemi në ” hiq të zi ” por deri sa të jam në këtë jetë të kamë radhit në këndin aty ku i ruaj më të dashurit e mi. Prehu në paqën e amshimit ooo i shtrejti im…

Kurse Qemajl Mustafa ka shkruar: Pusho në paqë zotëri i nderuar Ramadan Myrtaj;
Iku edhe një njeri shumë i mirë dhe i vyeshëm i qytetit tonë dhe i Anës tonë. Lajm i pritur (bazuar në gjendjen shëndetësore të Danit) por shumë i ftohtë.

Dani ishte njeri i ditur dhe i urtë. Ishte punëtor i palodhshëm, bashkëpunues, tolerant, bashkëbisedues i këndshëm dhe përmbajtësor, ishte human, ishte shok e mik i mirë dhe mbi të gjitha ishte njeri dhe qytetar i shkëlqyer. Me fjalë tjera, ai ishte një zotëri i joni i vërtetë.
Ishte pedant në krejtë punët që i bënte për familjen e tij, për politikën, për biznesin, për relacionet me miqtë, për dhe me kolegët e tij dhe me krejtë shokët e tij.

Ky zotëri i nderuar i donte njerëzit pa kusht dhe pa dallime dhe përherë ishte përkrahës i progresit të komunave tona, i progresit të krejtë Anamoravës, të krejtë Kosovës dhe krejtë hapësirës shqiptare.

Ky zotëri i nderuar e ka mbyllur fortë mirë “librin” e tij jetësor dhe është shembulli tipik se si rexhimet nuk mund ta tjetërsojnë njeriun që ka integritet, që ka edukim të mirë familjar, njerëzor e kombëtar. Dani punoi në politikën e Kosovës në kohë të mirë por edhe në kohë të vështirë. Punoi edhe pas çlirimit të vendit tonë por mbeti përherë Dani i parimeve të sakta e të forta, Dani i kësaj toke. Mbeti përherë pranë njerëzve të tij dhe pranë interesit të tyre.

Ky profil i njeriut të dalluar me urti, me punë e me kontribute, do ti mungojë qytetit tonë dhe krejtë Anamoravës.

Të gjithë ne që e njohëm Danin dhe që i ndamë momentet e jetës me të, do ta kujtojmë për krejtë virtytet e tij të spikatura njerëzore e kombëtare dhe për mësimet e dobishme që i kemi nxjerrur nga diskutimet me të dhe nga sjellja e tij brilante brenda komunitetit tonë.

Familjes së ngushtë të zotëri Danit dhe familjes së gjërë Myrtaj i shprehim ngushëllimet më të sinqerta familjarisht për humbjen e kryefamiljarit të tyre të shtrenjtë. Ngushëllime miqve, kolegëve dhe të gjithë atyre qē e patën rastin e mirë me e takue gjatë jetës këtë njeri të këndshëm, të vyeshēm e të urtë.

Shpirti i bardhë i zotëri Danit pushoftë në paqën e përjetësisë e familja e pastë kurajon me e përballue mungesën fizike dhe ftohtësinë e ikjes së tij.

Të qoftë i lehtë dheu i tokës tënde zotër i nderuar Ramadan Myrtaj!
Lamtumirë!

Nexhnedin Ymeri shkroi: Ndjehem shumë i mërzitur sot!
Lajmi për ikjen nga jeta e mikut të veqantë, Ramadan Myrtaj, më tronditi shumë!
Shpesh pyesja mikun e tijë mē të ngushtë, të cilin sinqerisht e ngushëlloj, Dr.Jonuz Cani; Si është Dani ynë, e ai vetëm kafshonte buzët dhe nuk kishte forcë që të përgjigjej…e kuptoja dhe, e dija se Dani shpejt do të ikte nga kjo botë, në të cilën pati edhe tronditje dhe iu shkaktuan plagë që i lanë gjurmë të thella!

E Dani, një intelektual me diapazon të gjërë të njohurive, ishte i afërtë me të gjithë, punëtor i madh në shtëpinë dhe shtëpizën mes pemëve, në Makresh, ku priste, me bujari e buzëqeshje, miq të shumtë që kishte, duke iu ndarë përkohësisht punëve të mëdha që kryente me pemët e të gjitha llojeve që kultivonte, me bletët dhe shumë punë fizike që i kryente shpesh vet!

Me Danin ishte kënaqësi të shoqërohesha, andaj shpesh e gjeja në Klubin e qytetarëve të vendlindjes së tijë, Hogoshtit, apo në hotel “Kristal”, ku më befasonte këndshëm për njohuritë e gjëra për çdo temë…me ëndje fliste për kulturë dhe veçmas për letërsinë!

Ishte burrë i sinqertë, fisnik, bujar e human!
Familjes Myrtaj, bashkëshortes Shukrane dhe dy djemëve, shokëve dhe shumë miqve që pati, ju shprehi ngushëllime më të sinqerta!
Dani u prehtë në paqe!

Musa Sabedini ka shkruar:

Paska ikur nga kjo botë edhe një mik i mirë, e i shtrenjtë, Ramadan Myrtaj.
Dani siç e kemi thirrur ishte njeri me vlera e virtyte të jashtëzakonshme, një politikan i rrallë dhe model edhe për gjeneratat e reja, një personalitet që dinte njohuri nga të gjitha sferat, një mik aq i ëmbël, e i këndshëm, saqë orët i shndërronte në minuta… gazmor, i hareshëm, i dashur, i ëmbël për tavolinën… këndonte aq bukur, aq rrjedhshëm këngë të vjetra qytetarie që bashki me Jonuz Canën, Halim Vranovcin e Sabri Tahirin, i jepnin kuptim ndejave të mija në villë në Stublinë.

Ramadan Myrtaj ishe model i burrit të drejtë, e të sinqertë, një kryefamiljar shumë i respektuar, një qytetar me tipe evropiane dhe nga zemra e them se ishte ndër miqtë e rrallë, që kisha respekt për tërë atë krijimtari të bujshme…ishte njeri edhe i artit, kulturës, muzikës, me një fjalë një njeri me përmasa të gjithanshme.

Pusho në paqe miku im, e ne të rinjtë, do të kemi shumë hapësirë për të kujtuar ato netë e ditë të paharruara, që kemi kaluar së bashku./rajonipress/