Më mirë të parandaloni se të shëroni

Kur temperaturat janë të ulëta, forcimi i sistemit imun është i domosdoshëm, sidomos te personat e moshuar. Dhe, mos harroni se asnjë ilaç nuk ndihmon më mirë në këtë drejtim se sa ushqimi i shëndetshëm, gjumi i mjaftueshëm dhe qëndrimi në natyrë.

Ushqimi i ekuilibruar dhe i pasur me vitamina dhe minerale është çelës për sistem të fortë imun. Më së miri në trysë të keni ushqimet sezonale. Le të ketë mish dhe prodhime të qumështit në tryezë, e sidomos jogurt dhe kos, fruta mali, kefir, por edhe bishtaja dhe pemë me lëvozhgë të fortë.

Preferohet që së paku dy herë në javë të konsumoni peshk dhe natyrisht shumë pemë dhe perime. Shmangni ushqimet e konservuara sepse përmbajnë konzervans.

(Kosova Sot)