‘Më keq se 11 shtatori’ Familjet hidhen nga kulla për të shpëtuar
RajoniPress
09:30, 14 Qershor, 2017
Rreth 30 persona janë nxjerrë të djegur nga ndërtesa që u përfshi nga flakët gjatë natës në Londër.
“Mund të konfirmojmë se kemi dërguar 30 pacientë në pesë spitale,” tha Shërbimi i Ambulancës në Londër.
Në vendin e ngjarjes janë rreth 200 ekipe të shpëtimit. Sipas “BBC” dhjetëra persona të tjerë janë ende të zhdukur.
Pasi flakët filluan Familjet u bllokuan brenda kullës 24-katëshe Grenfell, dhe ulërinin me dëshpërim për ndihmë.
Dëshmitarët thanë se skenat të kujtonin 11 shtatorin kur banorët hidheshin nga katet e sipërme të ndërtesës, që me siguri ishte shtëpia e qindra njerëzve.
Brigada e zjarrfikëseve ka njoftuar se ka vendosur rrathë shkume rreth bazës së ndërtesës për të zbutur rënien e njerëzve që hidhen.
Një numër i madh banorësh të kateve të sipërme janë hedhur për t’u shpëtuar flakëve./zeri/
