Me imazhe joshëse nga xhirimet e klipit, Rina Balaj paralajmëron këngën e re

Rina Balaj po punon vazhdimisht për projekte të reja muzikore.

Këngëtarja e njohur, edhe së fundmi ka njoftuar se kënga më e re nga ajo është drejt finalizimit.

Rina ka ndarë disa imazhe që la të kuptohet se janë të shkëputura nga xhirimet e vidoeklipit.

Në foto, autorja e “E kalume”, shihet e veshur me një fustan transparent me ngjyrë të portokalli dhe makijazh të theksuar.

“Kjo video muzikore është flakë”, ka shkruar Rina në mbishkrimin e postimit.

Ndërkohë, të shumta kanë qenë komentet nga ana e fansave të saj, të cilët padyshim me padurim presin një këngë të re nga ajo.

Përndryshe, Rina aktualisht po shijon suksesin e këngë “Tornado”, që solli në bashkëpunim me reperen Melinda Ademi.

Përveç kësaj, këngëtaren e shohim aktive edhe me mbrëmje të ndryshme muzikore. /Telegrafi/