RCCOLA

Me homazhe nderohet dëshmori Xhelal Sopi

/ 1 minutë lexim

Kamenicë – Kryetari i komunës, Begzad Sinani së bashku me përfaqësuesit komunal, sot kanë bërë homazhe në nderim të rënies së dëshmorit Xhelal Sopi.

Me rastin e përkujtimit të rënies së Xhelalit, sot është festuar edhe dita e shkollës ne fshatin Petroc, ku edhe e mbanë shkolla emrin e dëshmorit “Xhelal Sopi”.

UBT

Sinani tha se na bashkoi sot edhe njëherë përvjetori i 16-të і rënies heroike të dëshmorit të kombit Xhelal Sopi. “Baza e vlerave të Kosovës qëndron në gjakun e derdhur për liri. Ky gjak përbën krenarinë tonë, sepse është themeli i Kosovës së lirë e të pavarur, ai përbën njëkohësisht obligimin tonë për ndërtimin dhe forcimin e atdheut ashtu siç e ëndërronin dëshmorët, ashtu siç na lanë amanetin e fundit. Mbi themelet e këtij gjaku ne po ndërtojmë shtetin modern e demokratik të Kosovës, atdheun e lirë e të përbashkët të të gjithë qytetarëve të tij të barabartë” ka thënë Sinani./rajonipress/