Me cilën shujtë duhet ta filloni ditën, ja lista e ushqimeve

Kafjalli nuk duhet të tejkalohet; kjo shujtë jep energjinë për të gjitha aktivitetet e ditës. Ja disa propozime të shëndetshme.

KIFLE, JOGURT, SALLATË

Propozimi i parë është kifle integrale, sallatë dhe një prodhim i qumështit, ose jogurt ose kos. Kiflen mund ta zëvendësoni edhe me një rriskë bukë integrale apo të zezë.

PËRSE NJË KAFJALL SI KY ËSHTË I SHËNDETSHËM?

Pjekurinat integrale janë të bëra nga kokrra e grurit që në krahasim me miellin e bardhë janë më të pasura me fibra, vitamina, minerale, përmbajnë jod dhe acid folik. Nga ana tjetër, prodhimet e tharta të qumështit dhe sallata lehtësojnë dhe përshpejtojnë tretjen.

VEZË TË ZIERA, SALLATË DHE KIFLE INTEGRALE

Vezët janë burim i shkëlqyeshëm, sepse kanë pak kalori, e janë të pasura edhe me proteina, vitamina D, B12 dhe selen. Për sallatat dhe kiflen integrale tashmë kemi folur.

PJEKURINA INTEGRALE ME XHEM

Është mirë që në mëngjes të hani një rriskë bukë apo pjekurinë integrale me pak xhem. Por, xhem pa sheqer shtesë. Pemët ofrojnë energji gjatë ditës, e bashkë me to mund ta pini edhe një gotë qumësht.