Mbrojtësi nga Kosova kërkohet në Rusi, klubi i tij gati t’ia rrisë rrogën

Ardian Ismajili, po bën një sezon fantastik me skuadrën e tij të Hajdukut të Splitit.

Qëndërmbrojtësi kuqezi është në radarët e shumë skuadrave të lindjes dhe klubi kroat i Hajdukut vështirë se mund ta mbajë për shumë kohë.

Para disa ditësh ka qarkulluar një lajm se ai kërkohet nga Shahtar Donjesk, por merkato në Ukrainë u mbyll dhe gjërat mund të shtyhen për në verë, shkruan Panorama.

Kështu që në sulm për të janë hedhur klubet disa ruse sipas asaj që raporton “Slobodnadalmacija”.

Këto skuadra janë gati që ta marrin lojtarin që tani pa pritur verën.

Kështu, Hajduku i Splitit është gati të rrisë rrogën e 22-vjeçarit, që është një nga shtyllat e ekipit kroat.

Momentalisht lojtari është duke përfituar 60 mijë eurove në sezon. Kujtojmë që, Ismajili ka arritur të luajë dy ndeshje me Kombëtaren shqiptare, por në këmbët e tij shihet një garanci madhe për të ardhmen./zeri/