Mbretëresha pranverore, hithrat shërojnë dhe dobësojnë

Hithrat lulëzojnë në pranverë, e vazhdojnë deri në vjeshtë, derisa pos se janë të shijshme, shërbejnë edhe kundër shumë sëmundjeve.

Në cilëndo mënyrë ta përdorni, hithrat duhet t’i zieni jo më gjatë se dy minuta. Kështu në mënyrë maksimale ruani vetitë shëruese.

Disa nga vetitë e hithrave janë: përmirëson punën e sistemit tretës, detokson organizmin, ndikon në pastrimin e gjakut dhe sheqerit, ndikon mirë në pankreas dhe ndihmon në uljen e sheqerit në gjak, shëron inflamacionet në traktin urinar, përmban vitamina C e A, kalcium, kalium, hekur, fosfor e vitamina e minerale të tjera.

RECETA PËR SUPËN ME HITHRA:

Përbërësit për katër persona: – 300 gramë hithra, – 5 patate të madhësisë mesatare, – disa pika vaj ulliri, – kripë, piper.

PËRGATITJA:

1. Patatet i copëtoni në një të katërtat dhe i zieni. 2. Para fundit të zierjes shtoni hithrat. 3. Shtoni vajin e ullirit dhe mirë i imtësoni me përzierje. 4. Erëzoni sipas dëshirës. Provojeni këtë recetë të supës plot me shëndet, e cila për dhjetë ditë ua heq dy nga kilogramët e tepërt.

(Kosova Sot)