Mbretëresha Floriana

RajoniPress 16:17, 17 Janar, 2014

/ 4 minuta lexim

Për momentin ajo është, jo vetëm një nga femrat më të bukura shqiptare, por edhe më me fat e më e suksesshme. Vajza e cila ka kaluar nëpër shumë faza të jetës, që nga modelizmi, ekrani televiziv, prezantimi i Shqipërisë në Miss Bota, madje edhe e shkolluar, rrëfehet për Gazetën Express për jetën e saj, lidhjen me biznesmenin Teodor Ngjela, etj.

Cili është sekreti i formave të bukura fizike që keni?

Faleminderit. Unë kujdesem gjithnjë për ushqimin, mundohem të ha shëndetshëm duke lënë menjëanë ëmbëlsirat dhe brumrat. Rrallëherë konsumoj ushqim pas orës 6 pasdite, vetëm fundjavave kur dal për darka. Krahas kësaj lëviz sa mundem dhe bëj ushtrime fizike kur kam kohë.

Cila mendoni se është arma juaj më e fortë si modele?

Mendoj se aftësia për t’u përshtatur me temën e caktuar të shootit. Kur jam në një photoshoot të caktuar ndjej se aktroj me shikim dhe fytyrë. Krajas kësaj dhe gjatësia më ka ndihmuar shumë.

Fillimet tuaja në modeling, sa të vështira kanë qenë?

Fillimet e mia kanë nisur me një photoshoot që kam bërë me Fadil Berishën në vitin 2005 kur unë sapo isha zhvendosur në NYC për të jetuar. Më pas fillova të punoj rregullisht si fotomodele dhe showroom model. Pa diskutim që nuk ka qenë e thjeshtë, konkurenca është shumë e madhe dhe ka plot vajza të bukura. Unë punoja part time dhe ndërkohë studioja marrdhënie ndërkombëtare dhe luaja edhe volejboll. Kurrë në ambiciet e mia nuk ka qenë të bëhesha modele fulltime. Ka qenë një passion që më ndihmonte të fitoja edhe para.

Në këto momente po shijon fameën apo suksesin?

Pa dyshim që po e shijoj, e kam dashur gjithmonë televizionin dhe suksesin dhe jam e lumtur që jam duke e jetuar ëndrrën time. Krenare për gjërat që kam arritur sidomos për emisionin tim ‘’Jo vetëm modë’’ por shumë e lumtur që kam pasur mbështetjen e duhur nga fati dhe njerëzit e mi të dashur.

Si vishesh në jetën e përditshme?

Jeta ime e përditshme konsiston me takime të vazhdueshme, xhirime, dhe evente të ndryshme dhe kështu më duhet të jem vazhdimisht e kuruar dhe e veshur mirë. Por në fundjavë ndihem më e lirshme për t’u veshur me xhinse, këpucë të sheshta dhe me shumë pak tualet.

Thashethemet, të prekin kur degjon të thuhen për ty?

Në fillim më bënin përshtypje sepse nuk isha mësuar që të sajonin gjithfarë gjërash për mua, por më pas e kuptova se të qenit person publik natyrisht të bën edhe subjekt thashethemesh. Thjeshtë i injoroj dhe nuk i lejoj të ndikojnë tek unë.

Çfarë e bën një modele të suksesshme sipas teje?

Parametrat fizike, të qenit unike dhe shumë punëtore.

Jeni për martese, apo bashkëjetesë?

Jam për të dyja. Njeriu duhet të provojë bashkëjetesën për të parë nëse do të funksionojnë gjërat në ҫift. Pastaj martesa vjen natyrshëm kur mendohet për të zgjeruar familjen. Natyrisht në këto kohë martesa nuk është e domosdoshme por mua me pëlqen.

Kush është idhulli juaj në fushën e modës?

Gisele Bundchen. Një modele shumë e zonja e në të njëjtën kohë një biznesmene e suksesshme.

Jeta private, si po shkon?

Shumë mirë. Jam e lumtur dhe e dashuruar me partnerin tim dhe lidhja jonë është forcuar dhe pjekur.

Kush jeni ju me pak fjalë?

Një vajzë me fat që është gjendur në momentin e duhur në kohën e duhur dhe ka ditur të shfrytëzojë mundësitë që i janë dhënë.