Mbledhja e të hyrave nga Dogana dhe ATK-ja vetëm sa po e dëmton ekonominë

Dy agjencitë që mbushin buxhetin e vendit me para kanë arritur t’i përmbushin parashikimet për të mbledhur 1 miliard e 286 milionë euro.

Nga kjo shifër, Dogana ka mbledhur 946 milionë euro, një rritje prej 75 milionë më shumë se viti i kaluar, raporton KTV.

Drejtues të saj kanë thënë të kenë ndikuar disa faktorë që kanë sjellë tërë këta milionë.

Lulzim Rafuna, drejtor i Doganës së Kosovës, ka thënë se pret që të ndërrojë parashikimi për vitin e ardhshëm në mbledhjen e të hyrave, për faktin se pritet të hyjë në fuqi Marrëveshja e Asociim Stabilizimit dhe ajo me Turqinë.

Edhe ATK-ja, sipas të dhënave të Ministrisë së Financave, ia ka arritur t’i mbledhë 340 milionët e paraparë. Zyrtarë të kësaj agjencie nuk kanë qenë në dispozicion për të dhënë më shumë detaje.

Të dy agjencive u janë hequr 52.6 milionë për ATK-në dhe 16.2 për Doganat e Kosovës.

Ibrahim Rexhepi nga Instituti Stras nuk e sheh problematike mbledhjen e të hyrave, por qasjen e dështuar tash e shumë vjet të qeverisë, pavarësisht se kush ka qenë në pushtet.

Ai thotë se mendësia e tillë e zhvillimit minon përpjekjet për të nxitur zhvillimin ekonomik të vendit.

Kjo qasje e mbushjes së buxhetit, sidomos nga të hyrat doganore, do të vazhdojë edhe në vitet e ardhshme. Në parashikimet e buxhetit për tri vitet tjera, dy agjencitë do të kenë për detyrë të mbledhin edhe më shumë, sidomos Dogana nga pikat doganore.

http://koha.net/?id=27&l=91875