Mbi 60% e kallëzimeve penale mbesin të pazgjidhura nga Prokuroria më 2014

Sistemi prokurorial në këtë vit i ka trashëguar 33 mijë e 709 kallëzime penale nga viti i kaluar, shkruan sot Koha Ditore. Bazuar në Raportin e punës së prokurorive të Shtetit për vitin 2014, performanca e prokurorive është më e dobët krahasuar me vitin 2013.

Nga 55 mijë e 510 kallëzime penale në vitin 2014, prokuroritë kanë arritur t`i zgjidhin vetëm 21 mijë e 801 kallëzime penale. Ky raport është shqyrtuar të premten në Këshillit Prokurorial të Kosovës (KPK). Anëtarët e Këshillit kanë thënë se këto statistika flasin për peformancë të dobët të prokurorive, sidomos atyre themelore.

Ndërkaq, kryeprokurori i Shtetit, Aleksandër Lumezi, ka thënë se do të kërkojë llogari prej të gjitha prokurorive për punën që është bërë deri tash.
Në vitin 2014, bazuar në Raport, sipas zyrtarit të KPK-së, Ehat Miftaraj, Departamenti për Krime të Rënda ka qenë më i angazhuari dhe ka pranuar më së shumti lëndë në krahasim me numrin e prokurorëve.

Nëse bëhet krahasimi me vitin 2013, Miftaraj ka thënë se në vitin 2014 prokuroritë kanë qenë më pak efikase sesa viti paraprak.

http://koha.net/?id=27&l=59705