Mbi 50 profesorë me kontrata të dyfishta

Mbi 50 profesorë të Universitetit të Prishtinës, sot (e premte, 20 shtator) duhet të vendosin nëse do të punojnë në Universitetin e Prishtinës ose të punojnë në universitete private. Kjo, pas një kërkese të rektorit Ibrahim Gashi të datës 1 gusht, sipas të cilës, deri më 20 shtator gjithë mësimdhënësit duhet të deklarohen përfundimisht nëse duan ta mbajnë kontratën e punës me UP-në, ose me ndonjë institucion tjetër.

Sipas kërkesës së rektorit Gashi, nëse kjo kategori e stafit akademik nuk sjell dëshmi për shkëputje të marrëdhënies së dytë të punës, deri më 20 shtator, atëherë ai do të ndërmarrë veprime të njëanshme për shkëputje të kontratës pa ndonjë paralajmërim.

“Jemi duke u koordinuar që të marrim vendime krejtësisht në përputhje me ligjin, lidhur me ata persona që kanë dy kontrata të rregullta pune, një me Universitetin e Prishtinës, dhe një kontratë tjetër ku kanë konkurruar, dhe janë zgjedhur me një vend tjetër të punës si shërbyes civilë”, ka thënë rektori Ibrahim Gashi…. (Tribuna).