Mbi 4 vjet burg për thyerjen e kafkës fëmijës së vet, boksieri kosovar shpëton nga dëbimi

Është interesante se përkundër faktit se një dënim kaq i lartë tërheq me vete edhe dëbimin e pakusht nga Zvicra, 30 vjeçari i ka shpëtuar kësaj mase ndëshkuese.

Gjykata Penale e Bazelit i ka shqiptuar dënimin me katër vjet dhe tre muaj burg efektiv një kik-boksieri 30 vjeçar me prejardhje nga Kosova. Ai është dënuar për shkaktim lëndimi trupor për kohë të gjatë bashkëshortes së tij dhe për thyerjen e kafkës foshnjës së përbashkët dymuajshe.

Herën e fundit, goditja e tij mbi gruan ka pasur pasoja të rënda edhe për foshnjën e tyre të përbashkët të cilën e ëma po e mbante në krah, shkruan aargauerzeitung.ch.

Foshnja kishte pësuar me atë rast thyerje të kafkës ndërsa ka qenë punë fati që nuk ka bartur pasoja nga kjo goditje, transmeton albinfo.ch.

I akuzuari i ka hedhur poshtë pothuaj të gjitha akuzat. Prokurori ka kërkuar 7 vjet e gjysmë burg për boksierin kosovar.

Është interesante se përkundër faktit se një dënim kaq i lartë tërheq me vete edhe dëbimin e pakusht nga Zvicra, 30 vjeçari i ka shpëtuar kësaj mase ndëshkuese.

Kjo për faktin se në kohën kur ka kryer deliktet (viti 2014) ende nuk ka qenë në fuqi ligji i ashpërsuar për të huajt me dosje penale, shkruan albinfo.ch. Me këtë ligj parashihet dëbimi i personave me prejardhje të huaj kur ata kanë kryer vepra që sanksionohen edhe me dënime shumë më të ulëta se ky.

Vetëm në rast se kryen sërish ndonjë vepër penale, ai nuk do të mund t`i shpëtojë dëbimit në Kosovë, prej nga e ka prejardhjen.

http://www.albinfo.ch/mbi-4-vjet-burg-per-thyerjen-e-kafkes-femijes-se-vet-boksieri-kosovar-shpeton-nga-debimi/